డెన్మార్క్‌: ప్రపంచంలోనే అత్యంత ఖరీదైన మద్యం సీసా చోరీకి గురైంది. డెన్మార్క్‌ రాజధాని కోపెన్‌హాగెన్‌లో ఈ ఘటన చోటుచేసుకుంది. రూసో బాల్టీక్‌ అనే వోడ్కా బాటిల్‌ ఖరీదు 1.3 మిలియన్‌ డాలర్లు. అంటే దాదాపు రూ.8.2 కోట్లు. ఇప్పటివరకు ప్రపంచంలోనే అత్యంత ఖరీదైన మద్యం సీసాగా దీనికి గుర్తింపు ఉంది.

ఈ మద్యం సీసాను మూడు కిలోల బంగారం, వెండితో తయారుచేశారు. సీసా మూతను వజ్రంతో తయారుచేశారు. కోపెన్‌హాగెన్‌లోని 33 కెఫె అనే బార్‌లో ఈ సీసాను ప్రదర్శనకు ఉంచారు. బార్‌లోని సీసీటీవీ ఫుటేజ్‌లో ఓ వ్యక్తి టోపీతో వచ్చి ఈ సీసాను దొంగిలించినట్లు రికార్డ్‌ అయింది. ఫుటేజ్‌ ఆధారంగా దొంగను పట్టుకునేందుకు అక్కడి పోలీసులు యత్నిస్తున్నారు.