మస్కట్‌: ఒమన్‌ గోల్‌ కీపర్‌ ఫయాజ్‌ అల్‌ రుషైది, యూఏఈ స్టార్‌ ప్లేయర్‌ ఒమర్‌ అబ్దుల్‌ రహ్మాన్‌ 'అమూరీ' ఐదో పెనాల్టీ కిక్‌ని సేవ్‌ చేయడం, మొహ్‌సిన్‌ జవార్‌ సత్తా చాటడంతో ఒమన్‌, రెండోసారి గల్ఫ్‌ కప్‌ని కైవసం చేసుకోగలిగింది. ఇరు జట్లూ 90 నిమిషాలపాటు అలాగే ఎక్స్‌ట్రా టైమ్‌లోనూ గోల్‌ చేయడంలో విఫలమయ్యాయి. అయితే యూఏఈ, గోల్డెన్‌ ఛాన్స్‌ దక్కించుకోగా, అమూరీ బ్రిలియంట్‌ కిక్‌ని రుషైదీ సేవ్‌ చేయడం ఈ మ్యాచ్‌కి హైలైట్‌ పాయింట్స్‌. ఎనిమిదేళ్ళ తర్వాత ఒమన్‌కి గల్ఫ్‌ కప్‌ దక్కింది. తొలిసారిగా 2009లో మస్కట్‌లో జరిగిన పోటీల్లో ఒమన్‌ ఈ కప్‌ని కైవసం చేసుకుంది. గతంలో ఫ్రెంచ్‌ మ్యాన్‌ క్లాడీ లె రాయ్‌ కోచ్‌గా వ్యవహరిస్తే, ఇప్పుడు నెదర్లాండ్స్‌కి చెందిన పిమ్‌ వెర్బీక్‌ కోచ్‌గా పనిచేశారు.