హైదరాబాద్: మన రాష్ర్టానికి చెందినపెద్ది రాహుల్ ఇంటర్నేషనల్ మాస్టర్ హోదా సంపాదించాడు.ఇటలీలోని వెనిస్‌లో ముగిసిన ఇన్విటేషనల్ చెస్ చాంపియన్ సందర్భంగా మూడో ఇంటర్నేషనల్ నార్మ్ సాధించడంతో మనదేశం నుంచి ఇంటర్నేషనల్ మాస్టర్ హోదా అందుకున్నాడు. హైదరాద్ నగరంలోని కొంపల్లికి చెందిన రాహుల్ ఇంటర్నేషనల్ మాస్టర్ హోదాసాధించడంతో అతని తల్లితండ్రులు హర్షం వ్యక్తం చేసారు. ఫిడేకు అధికార ప్రతినిథి కుకూస్ స్టోక్ నుంచి రాహుల్ ఐఎం హోదా అందుకున్నాడు. హైదరాబాద్‌కు చెందిన నారాయణ రామరాజు కోచ్‌గా రాహుల్‌ను ముందుకు నడిపిస్తున్నాడు. 2400 ఎలో రేటింగ్ పాయింట్లు సాధించి గ్రాండ్‌మాస్టర్ హోదా దిశగా కదులుతున్నాడు. సాధు వైష్ణవి పాఠశాలలో పదో తరగతి చదువుతున్న రాహుల్ 15 ఏండ్ల 9 రోజుల వయసులోనే ఐఎం నార్మ్ సాధనతో తెలంగాణ రాష్ట్రం నుంచి ఐఎం నార్మ్ సాధించిన అత్యంత పిన్నవయస్కుడిగా, దేశంలో ఈ ఘనత సాధించిన మూడో యువ చెస్ ఆటగాడిగా రికార్డులు నెలకొల్పాడు. 2017 ఆగస్టులో లాత్విలో జరిగిన టోర్నీలో తొలి ఐఎం నార్మ్ సాధించగా.. డిసెంబర్ 2017లో నెదర్లాండ్స్‌లో జరిగిన టోర్నీలో రెండోనార్మ్ సంపాదించాడు. గతేడాది ముగిసిన ప్రపంచ యువ చెస్ ఒలింపియాడ్‌లో భారత జట్టుకు ప్రాతినిథ్యం వహించాడు. ఆసియా అండర్-10 చెస్ టోర్నీలో కాంస్యం అందుకున్నాడు.