అంకారా: టర్కీలోని ఎస్కిసెహీర్‌ ప్రావిన్సులో శనివారం ఘోర రోడ్డు ప్రమాదం చోటు చేసుకుంది. ఎస్కిసెహీర్‌ - బుర్సా హైవేపై వేగంగా వెళ్తున్న బస్సు మూడు చెట్లను ఢీ కొట్టింది. ఈ ఘటనలో 13 మంది అక్కడికక్కడే మృతి చెందగా.. 42 మంది తీవ్రంగా గాయపడ్డారు.

ప్రమాదంలో గాయపడిన వారిని చికిత్స కోసం దగ్గరిలోని ఆసుపత్రికి తరలించారు. ఎస్కిసెహీర్‌ ప్రావిన్సు గవర్నర్‌ ఒజ్డెమిర్‌, పోలీసు చీఫ్‌ ఎన్‌జిన్‌లు ప్రమాద ప్రాంతానికి చేరుకుని పరిశీలించారు.