సౌదీ అరేబియా:సౌదీ అరేబియాలోని జజాన్‌ రీజియన్‌లో జరిగిన ఘోర రోడ్డు ప్రమాదంలో ఏడుగురు మహిళలు మృతి చెందారు. ఐదుగురు తీవ్రంగా గాయపడ్డారు. సౌదీ గెజిట్‌ రిపోర్ట్‌ ప్రకారం మదయా - షవర్మా రోడ్డుపై ఈ ప్రమాదం జరిగింది. ఓ కుటుంబం ప్రయాణిస్తున్న కారు, ట్రక్‌ని ఢీకొనడంతో ఈ ప్రమాదం చోటు చేసుకుంది. పెళ్ళికి వెళుతుండగా, బాధిత కుటుంబం ఈ ప్రమాదంలో తీవ్రంగా నష్టపోయినట్లు ప్రత్యక్ష సాక్షులు వెల్లడించారు. సివిల్‌ డిఫెన్స్‌ యూనిట్స్‌, సంఘటన గురించి సమాచారం అందగానే ఘటనా స్థలానికి చేరుకున్నాయి. గాయపడ్డవారిని ఆసుపత్రికి తరలించారు. సౌదీ రెడ్‌ క్రిసెంట్‌ వాలంటీరులు సకాలంలో చాకచక్యంగా వ్యవహరించారని సివిల్‌ డిఫెన్స్‌ అధికార ప్రతినిథి జజాన్‌ లెప్టినెంట్‌ కల్నల్‌ యహ్యా ఖహ్తాని చెప్పారు.