మనామా: బహ్రెయినీ స్ప్రింటర్‌ మొహమ్మద్‌ అయూబ్‌ టివౌలి, 3000 మీటర్ల రేసులో తొలి స్థానం దక్కించుకున్నారు. జెక్‌ రిపబ్లిక్‌లోని ఓస్రస్టావాలో ఈ పోటీలు జరుగుతున్నాయి. బహ్రెయినీ ఛాంపియన్‌ మొదటి స్థానంలో నిలవగా, కెన్యాకి చెందిన బెంజమిన్‌ కిజెన్‌ రెండో స్థానంలో, ఇథియోపియన్‌ అత్లెట్‌ తిలాహెన్‌ హైలీ మూడో స్థానంలో నిలిచారు. టోర్నమెంట్‌ రికార్డ్‌ని సైతం బహ్రెయినీ అథ్లెట్‌ బ్రేక్‌ చేశారు. అలాగే ఐఏఏఎఫ్‌ వరల్డ్‌ ఇండోర్‌ ఛాంపియన్‌షిప్‌ 2018కి కూడా క్వాలిఫై అయ్యారు. మార్చి 1 నుంచి 4 వరకు యూకేలోని బర్మింగ్‌హామ్‌లో ఈ పోటీలు జరుగుతాయి. బహ్రెయినీ ఛాంపియన్‌కి బహ్రెయిన్‌ అథ్లెటిక్స్‌ అసోసియేషన్‌ వైస్‌ ప్రెసిడెంట్‌ మొహమ్మద్‌ అబ్దుల్‌లతీఫ్‌ బిన్‌ జలాల్‌ అభినందనలు తెలిపారు. ముందు ముందు ఆయన మరిన్ని విజయాలు సాధించాలని ఆకాంక్షించారు.