కువైట్: పిల్ల నిచ్చిన మావను ఒక బలమైన మందపాటి పొన్నుకర్రతో ఎముకలు విరిగేటట్టు చితకకొట్టాడా అల్లుడు. పైగా ఆత్మరక్షణ కోసం ఆ విధంగా చేయాల్సివచ్చిందని నిజాయితీగా ఒప్పుకొంటున్నాడు. ఈ వారాంతంలో తనంతట తానే లొంగిపోవాలని ప్రణాళిక సిద్ధం చేసుకొన్నానని ఈ లోపునే మీరు పట్టుకొన్నారని పోలీసులతో నిష్ఠూరంగా నిందితుడు తెలిపాడు. శరీరంపై వివిధ ప్రాంతంలో ఎముకలు చిట్లిన పరిస్థితిలో బాధితుడిని చికిత్స కోసం జహ్రా ఆసుపత్రికి తరలించినట్లు భద్రతాధికారులు తెలిపారు. తన అల్లుడు ఎందుచేతనో ఆగ్రహించి జహ్రాలో తనను పరుగులు పెట్టించాడని బాధితుడు పోలీసుల ఎదుట వాపోయాడు. రాహాయాలో అనుమానితుడిని జహ్రా డిటెక్టివ్ లు గుర్తించగలిగారు, వెంటనే ఆ ఘరానా అల్లుడిని అరెస్టు చేసి ఈ కేసు విషయమై దర్యాప్తు జరుపుతున్నారు.