మస్కట్‌: రాయల్‌ ఒమన్‌ పోలీసులు ముగ్గురు ఒమనీయుల్ని, అలాగే ఓ వలసదారుడ్ని సోహార్‌లో అరెస్ట్‌ చేశారు. పోలీసు అధికారులపై దాడులకు పాల్పడటం, కిడ్నాప్‌ చేయడం, దొంగతనాలకు పాల్పడటం వంటి అభియోగాలపై వీరిని అరెస్ట్‌ చేసినట్లు అధికారులు తెలిపారు. నార్త్‌ అల్‌ బతినా పోలీస్‌ నేతృత్వంలోని క్రిమినల్‌ ఎఇన్వెస్టిగేషన్‌ డిపార్ట్‌మెంట్‌ వివరాల్ని వెల్లడిస్తూ, దొంగతనం, దాడులు చేయడం, దోచుకోవడం వంటి నేరాభియోగాలు వీరిపై ఉన్నట్లు తెలిపింది. పోలీసుల తరహాలో వేషాలు మార్చుకుని, ఇళ్ళలోకి చొరబడి దొంగతనాలకు పాల్పడటం ఈ దుండగులకు నిత్యకృత్యమని పోలీసులు తెలిపారు. ఇన్వెస్టిగేషన్‌లో నిందితుల్ని గుర్తించిన పోలీసులు వారిని చాకచక్యంగా పట్టుకున్నారు. అనంతరం వారి నుంచి నిజాల్ని చెప్పించారు. తదుపరి చర్యల నిమిత్తం ప్రాసిక్యూషన్‌కి అప్పగించనున్నారు నిందితుల్ని పోలీసులు.