మస్కట్‌: కార్‌ డ్రిఫ్టింగ్‌ నేరానికిగాను ముగ్గురు పౌరుల్ని స్టేట్‌ ఆఫ్‌ ధాంక్‌లో అరెస్ట్‌ చేసినట్లు రాయల్‌ ఒమన్‌ పోలీస్‌ వెల్లడించింది. అల్‌ దహిరా పోలీసులు వెల్లడించిన వివరాల ప్రకారం, ముగ్గురు పౌరులు ఆధారాలతో సహా, నేరానికి పాల్పడినట్లు నిర్ధారించబడ్డారు. వీరిని తదుపరి చర్యల నిమిత్తం జ్యుడీషియల్‌ అథారిటీస్‌కి అప్పగించారు. వాహనదారులు, ముఖ్యంగా యువత, డ్రిఫ్టింగ్‌ మోజులో పడి ఇతరుల ప్రాణాలకు హాని కలిగించేలా వ్యవహరించరాదని పోలీసులు హెచ్చరించారు. రోడ్‌ సేఫ్టీని ప్రతి ఒక్కరూ పాటించాలనీ, నిబంధనలకు అనుగుణంగా వ్యవహరించాలని రాయల్‌ ఒమన్‌ పోలీస్‌ పేర్కొంది.