ఎన్‌కౌంటర్, శ్రీరాములయ్య, జయం మనదేరా, భద్రాచలం, యమజాతకుడు, ఆయుధం, జైబోలో తెలంగాణ వంటి విజయవంతమైన చిత్రాలను తెరకెక్కించి దర్శకుడిగా తనకంటూ ఓ ప్రత్యేకతను సంపాదించుకున్న సుప్రసిద్ధ దర్శకుడు ఎన్. శంకర్ ఆదివారం (మార్చి 11) తెలుగు చలన చిత్ర దర్శకుల మండలి ఎన్నికల్లో ప్రముఖ అధ్యక్షుడిగా ఎన్నికయ్యారు. ప్రత్యర్థి సానా యాదిరెడ్డిపై 310 ఓట్ల మెజారిటీతో గెలుపొందారు. శంకర్‌తో పాటు పలువురు సినీరంగానికి చెందిన వ్యక్తులు ప్యానల్ సభ్యులుగా ఎన్నికయ్యారు. కార్యవర్గ సభ్యులుగా శ్రీకాంత్ అడ్డాల, అనిల్ రావిపూడి, ప్రియదర్శిని, గంగాధర్, అంజిబాబు, మధుసూధన్ రెడ్డి, కృష్ణమోహన్, కృష్ణబాబు, చంద్రకాంత్ రెడ్డి విజయం సాధించారు. రెండు సంవత్సరాల పాటు ఈ నూతన కార్యవర్గం పదవిలో కొనసాగుతుంది.