పవిత్ర రమదాన్‌ మే 17న ప్రారంభం కానుంది. వేసవి సీజన్‌ కావడంతో ఉపవాస సమయం 13 గంటల వరకు ఉంటుందని అంచనా వేస్తున్నారు. సార్జా సెంటర్‌ ఫర్‌ ఆస్ట్రానమీ అండ్‌ స్పేస్‌ సైన్సెస్‌ ఇబ్రహీమ్‌ అల్‌ జర్వాన్‌ మాట్లాడుతూ, పవిత్ర రమదాన్‌ మాసానికి సంబంధించి న్యూ మూన్‌ గురువారం, మే 13 మధ్యాహ్నం 3.48 నిమిషాలకు (యూఏఈ టైమ్‌) ప్రారంభం కానుంది. అదే రోజు సాయంత్రం సన్‌సెట్‌కి కొద్ది నిమిషాల ముందు అంతర్ధానమవుతుంది. మే 16 బుధవారం సన్‌సెట్‌ తర్వాత మాత్రమే న్యూ మూన్‌ కనిపిస్తుంది. దాంతో గురువారం మే 17 రమదాన్‌ తొలి రోజు అవుతుంది. ఉపవాసం 13.25 గంటలపాటు ఉంటుంది. రమదాన్‌ మాసం ముగిసే సమయానికి ఇది 15 గంటలకు చేరుకోనుంది. ఉష్ణోగ్రతలు తీవ్రంగా ఉంటాయనీ, 41 డిగ్రీల వరకు చేరుకుంటాయనీ, అత్యల్ప ఉష్ణోగ్రతలు 26 డిగ్రీల సెల్సియస్‌ వరకు నమోదవుతాయని అంచనా వేస్తున్నారు. జూన్‌ 14 సాయంత్రం చంద్ర దర్శనాన్ని బట్టి రమదాన్‌ పండుగ నిర్ధారణ జరుగుతుంది.