`గీతాంజలి`, `జయమ్ము నిశ్చయమ్మురా` వంటి వైవిధ్యమైన సబ్జెక్టులతో కథానాయకుడిగా రెండు ఘన విజయాలు అందుకున్న హాస్యనటుడు శ్రీనివాసరెడ్డి హీరోగా మరో సినిమాకు గ్రీన్ సిగ్నల్ ఇచ్చారు. `జంబలకిడి పంబ` పేరుతో తాజా చిత్రం రూపొందనుంది. శివమ్ సెల్యూలాయిడ్స్, మెయిన్‌లైన్ ప్రొడక్షన్స్ సంయుక్తంగా తెరకెక్కిస్తున్నాయి. శ్రీనివాసరెడ్డి, సిద్ధి ఇద్నాని, పోసాని కృష్ణమురళి, వెన్నెల కిశోర్ కీలక పాత్రధారులు. జె.బి. మురళీకృష్ణ (మను) దర్శకత్వం వహిస్తున్నారు. రవి, జోజో జోస్‌, శ్రీనివాసరెడ్డి.ఎన్ నిర్మాతలు. ఉగాది పర్వదినం సందర్భంగా ఈ మూవీ ఫస్ట్ లుక్ ను చిత్ర యూనిట్ విడుదల చేసింది.. మీరూ ఆ పోస్టర్ ను చూడండి..
సత్యం రాజేశ్‌, ధన్‌రాజ్‌, షకలక శంకర్‌, హరి తేజ, రాజ్యలక్ష్మి, హిమజ, కేదారి శంకర్‌, మధుమణి, మిర్చి కిరణ్‌, జబర్దస్త్ అప్పారావు, సన, సంతోష్‌, గుండు సుదర్శన్‌, జబర్దస్త్ ఫణి ఇతర పాత్రల్లో నటిస్తున్నారు. ఈ సినిమాకు సంగీతం: గోపీసుందర్‌, కెమెరా: సతీశ్ ముత్యాల, ఆర్ట్: రాజీవ్ నాయర్‌, రచన, దర్శకత్వం: జె.బి.మురళీకృష్ణ (మను), నిర్మాతలు: రవి, జోజో జోస్‌, శ్రీనివాసరెడ్డి.ఎన్‌., సహ నిర్మాత: బి.సురేశ్ రెడ్డి, లైన్ ప్రొడ్యూసర్‌: సంతోష్‌.