దుబాయ్‌ రోడ్స్‌ అండ్‌ ట్రాన్స్‌పోర్ట్‌ అథారిటీ, మేదాన్‌ రేస్‌కోర్స్‌ వద్ద దుబాయ్‌ వరల్డ్‌ కప్‌ టోర్నమెంట్‌ సందర్భంగా మార్చి 31న ట్రాఫిక్‌ ప్లాన్‌ని రెడీ చేసింది. రేపు మధ్యాహ్నం 3 గంటల నుంచి మధ్యాహ్నం 12 గంటల వరకు ఈ ప్లాన్‌ని అమలు చేస్తారు. మేదాన్‌ రేస్‌కోర్స్‌ నుంచి బుర్జ్‌ ఖలీఫా మరియు డేరా సిటీ సెంటర్‌ మెట్రో స్టేషన్స్‌కి 50 బస్సుల్ని ఏర్పాటు చేస్తున్నారు. 5,000 పార్కింగ్‌ స్పేస్‌లను నాద్‌ అల్‌ షీబా మాస్క్‌ వద్ద ఈ ఈవెంట్‌ కోసం అందుబాటులోకి తెచ్చారు. నాద్‌ అల్‌ షెబా మాస్క్‌ పార్కింగ్‌ నుంచి మేదాన్‌ రేస్‌కోర్స్‌ వద్దకు వెళ్ళేందుకోసం 100 బస్సుల్ని ఏర్పాటు చేస్తున్నారు. మేదాన్‌ రోస్‌కోర్స్‌ వద్ద 6,000 పార్కింగ్‌ స్పేస్‌లను ఏర్పాటు చేశారు. ఈవెంట్‌కి వచ్చేవారికోసం 6,000 టాక్సీల్ని కూడా అందుబాటులోకి తెస్తారు.