యూఏఈలోని పలు ప్రాంతాల్లో తేలికపాటి వర్షం కురిసింది. ఈ రోజు మరికొన్ని చోట్ల వర్షం కురుస్తుందనీ, సాధారణ వర్షం నమోదవచ్చనీ, కొన్ని చోట్ల ఓ మోస్తరు వర్షం కూడా కురిసే అవకాశం వుందని నేషనల్‌ సెంటర్‌ ఆఫ్‌ మిటియరాలజీ పేర్కొంది. అబుదాబీ, దుబాయ్‌, షార్జా, రస్‌ అల్‌ ఖైమా, అల్‌ అయిన్‌, ఉమ్‌ అల్‌ కువైన్‌లలో ఈ రోజు ఉదయం తేలికపాటి జల్లులు కురిశాయి. వారాంతంలో చాలా చోట్ల వర్షాలు కురుస్తాయని, పౌరులు అప్రమత్తంగా వుండాలని ఎన్‌సిఎం హెచ్చరించింది. తేలికపాటి తాజా గాలులు వీయనున్నాయి కొన్ని చోట్ల. మరికొన్ని చోట్ల ధూళి విపరీతంగా వుండొచ్చు. సముద్రం మోస్తరు నుంచి రఫ్‌గా వుండొచ్చు. అరేబియా గల్ఫ్‌, ఒమన్‌ సముద్ర తీర ప్రాంతాల్లో మేఘాల తీవ్రత ఎక్కువగా వుంటుంది.