లైసెన్స్‌ లేకుండా స్విమ్మింగ్‌ పూల్స్‌ని నిర్వహిస్తే 20,000 దిర్హామ్‌ల వరకు జరీమానా విధించబడుతుంది. మెయిన్‌టెనెన్స్‌ రికార్డులు లేకపోయినా జరీమానా తప్పదు. ఉల్లంఘనలకు పాల్పడితే ఆయా ఉల్లంఘనలను బట్టి కఠిన చర్యలు తీసుకోబడతాయి. అబుదాబీ డిపార్ట్‌మెంట్‌ ఆఫ్‌ అర్బన్‌ ప్లానింగ్‌ అండ్‌ మునిసిపాలిటీస్‌ ఛైర్మన్‌ ఫలాహ్‌ మొహమ్మద్‌ అల్‌ అహబాబి ఈ మేరకు డిక్రీని విడుదల చేశారు. తాజా అధికారిక గెజిట్‌లో ఈ రిజల్యూషన్‌కి సంబంధించిన ప్రొవిజన్స్‌ని పేర్కొన్నారు. మునిసిపాలిటీ మాన్యువల్‌కి తగ్గట్టుగా స్టాండర్డ్స్‌, కంట్రోల్స్‌, ప్రొసిడ్యూర్స్‌ ఖచ్చితంగా పాటించాల్సిందేనని ఈ సందర్భంగా అధికారులు పేర్కొన్నారు. ఉల్లంఘనలకు పాల్పడితే, ఓనర్‌ వెంటనే ఆ స్విమ్మింగ్‌ పూల్‌ని తొలగించాల్సి వస్తుంది.