లులు హైపర్‌ మార్కెట్స్‌కి సంబంధించి డిస్కౌంట్‌ వోచర్స్‌ పేరుతో ఫోన్‌ కాల్స్‌, టెక్స్‌ట్‌ మెసేజెస్‌ వెళుతుండడాన్ని 'స్కామ్‌'గా అభివర్ణిస్తూ, లులు సంస్థ తమ షాపర్స్‌ని అప్రమత్తం చేసింది. ఇలాంటి ఫ్రాడెంట్‌ మెసేజ్‌ల పట్ల ఫోన్‌ కాల్స్‌ పట్ల అప్రమత్తంగా వుండాలనీ, తమకు ఫిర్యాదు చేయాలని వినియోగదారులకు సంస్థ యాజమాన్యం ఓ ప్రకటన ద్వారా పేర్కొంది. పోలీసులకు ఈ విషయమై ఇప్పటికే ఫిర్యాదు చేసినట్లు సంబంధిత ఫిర్యాదు వివరాల్ని ప్రకటనలో వెల్లడించింది లులు సంస్థ. బహుమతులు గెల్చుకున్నారంటూ ఫోన్‌ కాల్స్‌ వినియోగదారులకు వెళుతున్నాయనీ, తద్వారా వినియోగదారుల పర్సనల్‌ డిటెయిల్స్‌ని సేకరిస్తున్నారనీ, వారి నుంచి డబ్బులు కూడా గుంజుతున్నారని లులు సంస్థ వెల్లడించింది. బ్యాంకింగ్‌, క్రెడిట్‌ కార్డులకు సంబంధించిన వివరాల్ని లులు సంస్థ సేకరించబోదని సంస్థ ప్రతినిథులు స్పష్టం చేశారు. లులు గ్రూపు అధికారిక సోషల్‌ మీడియా అకౌంట్ల ద్వారా మాత్రమే ఆఫర్లు, ప్రైజ్‌ల వివరాల్ని తెలుసుకోగలరని సంస్థ పేర్కొంది.