రానున్న ఆరు నెలల్లో 75 వేల మంది నిరుద్యోగులకు అవకాశం కల్పించనున్నట్లు ప్రముఖ టెలికాం సంస్థ రిలయన్స్ జియో ప్రకటించింది. సంస్థ సీహెచ్‌ఆర్‌ఓ సంజయ్ జోగ్ ఈ విషయాన్ని వెల్లడించారు. సంస్థ విస్తరణలో భాగంగానే బ్రాడ్ బ్యాండ్, పేమెంట్స్ బ్యాంకింగ్ వంటి మరికొన్ని విభాగాల్లో నియామకాలు చేబడుతున్నట్లు తెలియజేశారు. డిగ్రీ అర్హతతో పాటు సాంకేతిక పరిజ్ఞానం ఉన్న వారికి అవకాశం ఉంటుందని తెలిపారు. ఈ సందర్భంగా ఎస్‌హెచ్‌ఆర్‌ఎం ఇండియా టెక్ 18 సదస్సులో ఆయన మాట్లాడుతూ టెలికాం సంస్థలు విలీనమైనా, మూతపడ్డా అందులో పనిచేసే ఉద్యోగులకు ఎంత మాత్రం ఇబ్బంది ఉండదని అన్నారు. అంతే కాకుండా వారికి అనేక ప్రత్యేక మార్గాలు కూడా ఉన్నాయన్నారు.