అమెరికా: అమెరికాలోని హవాయిలో బిగ్ ఐలాండ్‌లోని కిలువేయా అగ్నిపర్వతం బద్దలైంది. దాదాపు వంద అడుగుల ఎత్తుకు లావా ఎగసిపడుతోంది. పలు ఇళ్లు దెబ్బతిన్నాయి.మౌంట్ కిలువేయా మంగళవారం నాడు మొదటిసారి బద్దలైంది. అప్పటికే ఆ ప్రాంతంలో నివసిస్తున్న దాదాపు 1,700 మందిని ఖాళీ చేయించి సహాయ శిబిరాలకు తరలించారు. అక్కడ గాలిలో ప్రమాదకర సల్ఫర్ డైఆక్సైడ్ ప్రాణాంతక స్థాయిలో ఉందని.. అక్కడ బాధితులు ఎవరైనా ఉన్నట్లయితే అత్యవసర బృందాలు సాయం చేయటం సాధ్యం కాదని సివిల్ డిఫెన్స్ ఏజెన్సీ పేర్కొంది. ప్రపంచంలో చాలా క్రియాశీలంగా ఉన్న అగ్ని పర్వతాల్లో మౌంట్ కిలువేయా ఒకటి. ఇటీవల వరుసగా భూకంపాలు రావటంతో ఇది గురువారం బద్దలైంది.