చెన్నై: శక్తి సౌందరరాజన్‌ దర్శకత్వంలో జయంరవి కథానాయకుడిగా తెరకెక్కిన చిత్రం 'టిక్‌ టిక్‌ టిక్‌'. ఇమాన్‌ సంగీతం సమకూర్చారు. అంతరిక్షం నేపథ్యంలో తెరకెక్కుతున్న తొలి తమిళ సినిమా ఇది. నేమిచంద్‌ జబక్‌ నిర్మాణంలోని ఈ సినిమాకు కార్కి పాటలు రాశారు. ఇప్పటికే ఈ పాటలు ప్రజాధరణ పొందాయి. 'కురుంబా..' అనే పాట ప్రేక్షకులను మరింత ఆకట్టుకుంది. ఇప్పటికే చాలాసార్లు వాయిదా పడిన ఈ సినిమా ఈ నెల 22వ తేదీన విడుదలకు సిద్ధమవుతోంది. ఈ మేరకు నిర్మాతల మండలి నుంచి కూడా అంగీకారం పొందింది. ప్రపంచ వ్యాప్తంగా పెద్ద స్థాయిలో సినిమాను విడుదల చేయనున్నట్లు చిత్ర వర్గాలు పేర్కొన్నాయి. ఈ చిత్రంలో జయంరవి కుమారుడు ముఖ్య పాత్ర పోషించారు. ఇదిలా ఉండగా గతంలో జయంరవి, దర్శకుడు శక్తి సౌందరరాజన్‌ కాంబినేషన్‌లో వచ్చిన 'మిరుదన్‌' మంచి విజయాన్ని సాధించింది. జోంబీస్‌ నేపథ్యంలో సరికొత్త అనుభూతిని ప్రేక్షకులకు పంచిపెట్టిందీ జట్టు. ఇప్పుడు అంతరిక్ష పరిశోధన అంశంతో తీసిన చిత్రంతో 22వ తేదీన ప్రేక్షకులకు ముందుకు రావడం విశేషం.