రోడ్స్‌ అండ్‌ ట్రాన్స్‌పోర్ట్‌ అథారిటీ (ఆర్‌టిఎ), దుబాయ్‌ పోలీస్‌ జనరల్‌ హెడ్‌ క్వార్టర్స్‌, షేక్‌ జాయెద్‌ బిన్‌ హమదాన్‌ అల్‌ నహ్యాన్‌ రోడ్డుపై స్పీడ్‌ లిమిట్‌ని పెంచుతూ నిర్ణయం తీసుకున్నాయి. దుబాయ్‌ - అల్‌ అయిన్‌ రోడ్‌, జబెల్‌ అలి లెహ్‌బాబ్‌ రోడ్‌ మధ్య ఈ వేగం పెంపు వర్తిస్తుంది. ప్రస్తుతం వున్న 80 కిలోమీటర్ల లిమిట్‌ని 90 కిలోమీటర్లకు పెంచారు. శనివారం నుంచి ఈ పెంపు అమల్లోకి వస్తుంది. రాడార్‌ స్పీడ్స్‌ గంటకు 110 కిలోమీటర్లుగా ఫిట్‌ చేశారు. ఆర్‌టిఎ - దుబాయ్‌ పోలీస్‌ మధ్య పరస్పర అవగాహనతో ఈ నిర్ణయం తీసుకున్నట్లు దుబాయ్‌ పోలీస్‌ ఆపరేషన్‌ ఎఫైర్స్‌ అసిస్టెంట్‌ కమాండర్‌ ఇన్‌ చీఫ్‌ మేజర్‌ జనరల్‌ అడ్వయిజర్‌ మొహమ్మద్‌ సైఫ్‌ అల్‌ జఫీన్‌ చెప్పారు.