ఇండియాకి వెళ్ళే విదేశీయులకు శాటిలైట్‌ ఫోన్‌ విషయమై అబుదాబీ మరియు దుబాయ్‌లోని ఇండియన్‌ డిప్లమాటిక్‌ మిషన్స్‌ స్పష్టమైన హెచ్చరికలు జారీ చేయడం జరిగింది. తమతోపాటు శాటిలైట్‌ ఫోన్లను ఇండియాకి తీసుకెళ్ళవద్దని ఆ హెచ్చరికలో పేర్కొన్నారు. సోషల్‌ మీడియా ద్వారా మిషన్స్‌ ఈ విషయాన్ని పేర్కొనడం జరిగింది. శాటిలైట్‌ ఫోన్లను ఇండియాకి తీసుకెళ్ళరాదనీ, అలా తీసుకెళ్ళేవారిపై చట్టపరమైన చర్యలు తీసుకోబడ్తాయనీ ఇండియన్‌ మిషన్స్‌ స్పష్టం చేశాయి. యూఏఈలోని శాటిలైట్‌ ప్రొవైడర్స్‌, తమ సబ్‌స్క్రైబర్స్‌కి ఈ చట్టబద్ధమైన బ్యాన్‌ విషయాన్ని తెలియజేయాలని ఇండియన్‌ మిషన్స్‌ సూచించాయి.