సిరియన్‌ జాతీయుడొకరు దుబాయ్‌ డ్యూటీ ఫ్రీ మిలీనియం మిలియనీర్‌ అండ్‌ ఫైనెస్ట్‌ సర్‌ప్రైజ్‌ డ్రాలో విజేతగా నిలిచారు. 1 మిలియన్‌ డాలర్స్‌ని ఆయన గెల్చుకున్నారు. 272 సిరీస్‌లో 4710 టిక్కెట్‌ లక్కీ డ్రాలో గెలుపొందింది. సిరాయికి చెందిన ఫెరాష్‌ అల్‌ నెమా ఈ బంపర్‌ బహుమతిని గెల్చుకోగా, ఈ విషయమై స్పందించడానికి ఆయన అందుబాటులోకి రాలేదు. దుబాయ్‌ ఇంటర్నేషనల్‌ ఎయిర్‌పోర్ట్‌ టెర్మినల్‌ 3 వద్ద టిక్కెట్‌ని ఫెరాస్‌ అల్‌ నెమాహ్‌ కొనుగోలు చేశారు. ఈ డ్రాలో మోటర్‌ బైక్‌ విన్నర్‌ వివరాల్నీ వెల్లడించారు. 33 ఏళ్ళ ఈజిప్టియన్‌ హస్సామ్‌ ఇబ్రహీమ్‌ బిఎండబ్ల్యు ఆర్‌ 9 టిఎస్‌ స్క్రాంబ్లర్‌ మోటార్‌ బైక్‌ని గెల్చుకున్నారు. ఇబ్రహీమ్‌ రెగ్యులర్‌గా టిక్కెట్లను కొనుగోలు చేస్తుంటారు. దుబాయ్‌ డ్యూటీ ఫ్రీకి ఆయన కృతజ్ఞతలు తెలిపారు.