నవంబర్‌ 14 నుంచి 16 వరకు సాఖిర్‌ ఎయిర్‌ బేస్‌లో అతి పెద్ద ఎయిర్‌ షో జరగనుంది. బహ్రెయిన్‌లో నిర్వహించే ఈ అతి పెద్ద ఎయిర్‌ షో కోసం 95 శాతం స్లాట్స్‌ ఇప్పటికే బుక్‌ అయిపోయినట్లు ట్రాన్స్‌పోర్టేషన్‌ అండ్‌ టెలికమ్యూనికేషన్స్‌ మినిస్టర్‌ కమాల్‌ అహ్మద్‌ చెప్పారు. స్పేస్‌ రెంట్స్‌ ద్వారా వచ్చే ఆదాయాన్ని పరిగణనలోకి తీసుకుంటే, ఎయిర్‌ షో 'జీరో నిర్వహణ'గా అభివర్ణించవచ్చని ఆయన వివరించారు. ఎయిర్‌ షోలను వరుసగా నిర్వహించడం ద్వారా బహ్రెయిన్‌ ఎకానమీలో కొత్త ఉత్సాహాన్ని నింపుతోందని చెప్పారు మినిస్టర్‌. హోటల్‌ రిజర్వేషన్స్‌, రెస్టారెంట్స్‌, రిటెయిల్‌ బిజినెస్‌ వంటి రంగాల్లో ఎయిర్‌ షో గణనీయ వృద్ధిని తీసుకు వస్తున్నట్లు మినిస్టర్‌ కమాల్‌ అహ్మద్‌ తెలిపారు. ఈసారి ఎయిర్‌ షోలో ప్రత్యేకంగా పిల్లల కోసం పలు కార్యక్రమాలు చేపడుతున్నామనీ, అలాగే ఫ్యామిలీస్‌ కోసం కూడా పలు కార్యక్రమాలుంటాయని చెప్పారాయన.