మనిషి హాయిగా స్వేచ్ఛని అనుభవించేది టాయిలెట్లులోనే.. చాలా సేపటినుంచి అపుకుని.. ఒక్కసారి ఆ భారం నుండి విముక్తి పొందితె దానికి మించిన సుఖం ఇంకొకటి ఉండదు. మనిషి ఎంత సుఖాన్ని అనుభవిస్తాడో అంతా ఇబ్బంది పడేదే ఈ టాయిలెట్ల విషయంలోనే. మనకు తెలియని ప్రదేశాలకు వెళ్తున్నప్పుడు ఎక్కడైనా దగ్గర్లో టాయిలెట్లు ఉన్నాయా అని కనుక్కోవడం చాలా కష్టం.ముఖ్యంగా ఒంటరిగా వెళ్తే ఎవరిని అడగాలన్నా కాస్త ఇబ్బంది పడాల్సి వస్తుంది. అందుకు ఒక చక్కటి మార్గాన్ని తీసుకొచ్చింది "టాయిలెట్ ఫైండర్" యాప్.. ఇందులో మనమున్న ప్రదేశానికి దగ్గర్లో ఉన్న పబ్లిక్‌ టాయిలెట్ల వివరాలు ఈ యాప్‌లో ఉంటాయి. ఒకవేళ అక్కడ పబ్లిక్ టాయిలెట్ లేకపోతే అక్కడకు దగ్గర్లో ఉన్న రెస్టారెంట్లు, షాపింగ్‌మాళ్లు, ఆసుపత్రులు, పెట్రోల్‌ బంకులు..ఇలా ఎలాంటి ప్రదేశాల్లో అవి అందుబాటులో ఉన్నాయో వాటి వివరాలు సులభంగా తెలుసుకోవచ్చు ఈ యాప్ ద్వారా.