యూఏఈకి చెందిన ముగ్గురు హై ప్రొఫైల్‌ బిజినెస్‌మెన్‌, అలాగే 14 మంది ఫిలాంత్రపిస్ట్స్‌ తమ సంపదలో సగ భాగాన్ని డొనేట్‌ చేయడానికి ముందుకొచ్చారు. బిల్‌ మరియు మిలిందా గేట్స్‌, వార్నర్‌ బఫెట్‌ 'గివింగ్‌ ప్లెడ్జ్‌' పేరుతో భారీ డొనేషన్లకు తెరలేపారు. ఈ నేపథ్యంలో వారు చూపిన బాటలో ప్రపంచ వ్యాప్తంగా పలువురు ప్రముఖులు తమ సంపదలో సగ భాగాన్ని డొనేట్‌ చేయడానికి సిద్ధపడుతున్నారు. ఈ క్రమంలోనే యూఏఈకి చెందిన వ్యాపారవేత్త, క్రిసెంట్‌ ఎంటర్‌ప్రైజెస్‌ సీఈఓ, క్రిసెంట్‌ పెట్రోలియం ప్రెసిడెంట్‌, బద్ర్‌ జాఫ్ర్‌, ఎన్‌ఎంసి హెల్త్‌ అండ్‌ యూఏఈ ఎక్స్‌ఛేంజ్‌ ఫౌండర్‌ బిఆర్‌ శెట్టి, విపిఎస్‌ హెల్త్‌ కేర్‌ ఫౌండర్‌, మేనేజింగ్‌ డైరెక్టర్‌ షంవీర్‌ వయాలి తదితరులు ఈ డొనేషన్‌ క్యాంప్‌లో తమ ప్రత్యేకతను చాటుకున్నారు. ఇతరుల జీవితాల్లో ఆనందం చూడగలగడమే నిజమైన విజయరహస్యమని ఈ ప్రముఖులు చెబుతున్నారు.