దుబాయ్:39 ఏళ్ళ సిరియన్‌ ఇంజనీర్‌ ఒకరు, ఫిలిప్పినా మహిళను లైంగికంగా వేధించిన ఘటనలో కేసు నమోదయ్యింది. విచారణ జరుగుతోంది. మార్చి 27న ఈ ఘటన చోటుచేసుకుంది. ఓ ప్రైవేట్‌ సంస్థలో క్లీనర్‌గా పనిచేస్తున్న 32 ఏళ్ళ మహిళ, వినియోగదారుడి కోసం కూలర్‌ నుంచి నీళ్ళను నింపుతుండగా, అటువైపుగా వచ్చిన సిరియన్‌ ఇంజనీర్‌, ఆమెను అసభ్యకరంగా తాకాడు. గట్టిగా తనను కొట్టాడనీ, ఈ క్రమంలో బాధ తట్టుకోలేక తాను విలవిల్లాడుతూ అరిచానని బాధితురాలు పేర్కొంది. బాధితురాలి ఫిర్యాదు మేరకు పోలీసులు కేసు నమోదు చేశారు. అయితే, విచారణ సందర్భంగా నిందితుడు, తనపై మోపబడ్డ అభియోగాల్లో నిజం లేదని అంటున్నాడు. తన పాత స్నేహితురాలు అనుకుని, తాను అలా చేశాననీ, ఇందులో లైంగిక వేధింపుల కోణం ఏమీ లేదని నిందితుడు తన వాదనను విన్పించాడు. ఈ కేసులో జూన్‌ 28న తీర్పు వెలువడనుంది.