దుబాయ్:సౌదీ అరేబియాలో మహిళలు పోరాడి ఎట్టకేలకు డ్రైవింగ్‌ లెసెన్సు పొందే హక్కు సాధించుకున్నారు. తొలిసారిగా సోమవారం 10 మంది మహిళలకు డ్రైవింగ్‌ లెసెన్సులను ప్రభుత్వం జారీ చేసింది. ప్రపంచంలో సౌదీలోనే మహిళలకు డైవింగ్‌ లెసెన్సులపై నిషేధం ఉంది. దీన్ని మూడు వారాల్లో ఎత్తివేయాలని ప్రభుత్వం నిర్ణయించింది. డ్రైవింగ్‌ హక్కు కోసం ఉద్యమించిన పలువురు మహిళలను అరెస్టు చేసి, జైళ్లకు పంపారు. అయినా మహిళలు ఈ హక్కుకోసం చేసిన పోరాటాల ఫలితంగా, ఒక్కసారిగా నిషేధాన్ని ఎత్తివేయాలని ప్రభుత్వం నిర్ణయించడం విశేషం. ఇక్కడ తొలిసారిగా డ్రైవింగ్‌ లైసెన్సులు పొందిన తొలి 10 మంది మహిళల్లో యుఎస్‌, యుకె, లెబనాన్‌, కెనడా వారూ ఉన్నారు. వీరందరికీ రాజధాని రియాద్‌లో రవాణా శాఖ డ్రైవింగ్‌ , కంటి పరీక్షలు నిర్వహించి లెసెన్సులు జారీ చేసింది.