ఇక యాహూ మెసెంజర్‌ సేవలు నిలిచిపోనున్నాయి. జూలై 17వ తేదీ నుంచి యాహూ మెసెంజర్ సేవలను నిలిపివేస్తున్నట్లు దాని నిర్వహణ సంస్థ ఓత్ ఐఎన్‌సీ వెల్లడించింది. యాహూ మెసెంజర్‌ యూజర్ల  ఐడీలు మాత్రం అలాగే  ఉంటాయని  వాటిని  మెయిల్, ఇతర సేవలను వాడుకునేందుకు ఆ ఐడీ పనికొస్తుందని తెలిపింది. వాట్సాప్, ఫేస్‌బుక్ మెసెంజర్ వంటి మెసేజింగ్ యాప్స్‌కు..యాహూ మెసెంజర్‌ పోటీ ఇవ్వడంలో విఫలమైంది.దీంతో క్రమంగా యూజర్లు తగ్గుతూ వచ్చారు. ఇక  ఆ మెసెంజర్ సేవలకు ముగింపు పలకక తప్పలేదు. కానీ ఒకప్పుడు నెటిజన్లకు యాహూ మెసెంజర్ ఒక్కటే చాటింగ్ మెసెంజర్‌గా ఉండేది .  యూజర్ల అభిరుచికి తగినట్లుగా డిస్కస్  రూమ్స్ కూడా ఉండేవి. వాయిస్ చాట్, వీడియో చాట్ కూడా అందుబాటులో ఉండేది.