బహ్రెయిన్:పార్లమెంట్‌ అలాగే మున్సిపల్‌ కౌన్సిల్స్‌కి జరిగే ఎన్నికల్లో మొత్తం 10 మంది మహిళలు పోటీ చేయబోతున్నారు. ప్రస్తుతం హౌస్‌ ఆఫ్‌ రిప్రెజెంటేటివ్స్‌లో మొత్తం ముగ్గురు మహిళలున్నారు. జమీలా అల్‌ సమ్మాక్‌, రువా అల్‌ హాయికి, ఫాతిమా అల్‌ అస్ఫూర్‌ ఆ ముగ్గురు మహిళలు. రువా, జమిలా మళ్ళీ పోటీ చేయబోతున్నారు. రువా సదరన్‌ గవర్నరేట్‌ ఏడో నియోజకవర్గం నుంచి పోటీ చేస్తారు. గతంలో ఆమె నార్తరన్‌ గవర్నరేట్‌ ఆరవ నియోజకవర్గం నుంచి పోటీ చేశారు. జమీలా, నార్తరన్‌ గవర్నరేట్‌ 12వ నియోజకవర్గం నుంచి పోటీ చేస్తారు. మద్దతుదారుల నుంచి వస్తున్న ఒత్తిడి నేపథ్యంలోనే ఈ నిర్ణయం తీసుకున్నారామె.