మ్యూజిక్‌ డైరెక్టర్‌ అనురాగ్‌ ఆత్మహత్య చేసుకున్నాడు.  అతను వారం రోజుల క్రితమే ఆత్మహత్యకు పాల్పడ్డాడు. అయితే ఈ ఘటన  చాలా అలస్యంగా వెలుగులోకి  వచ్చింది. అర్థిక ఇబ్బందులతో అనురాగ్‌ ఆత్మహత్య చేసుకున్నట్టు తేలుస్తోంది. పలు  షార్ట్‌ఫిల్మ్స్‌లకు అనురాగ్‌ మ్యూజిక్ అందించాడు.అంతేగాక పలు ప్రైవేట్ ఆల్బమ్స్ కూడా మ్యూజిక్‌ డైరెక్టర్‌ చేశాడు. ఈయన కంపోజ్ చేసిన పాటల్లో నీలాకాశం, రిపబ్లిక్ డే స్పెషల్‌గా వందేమాతరం అనే పాట, ఓ చెలియా వంటి ఆల్బమ్స్ సూపర్ హిట్ అయ్యాయి. సినిమాల్లో అవకాశాల కోసం ఎదురుచూస్తున్న సమయంలో అతను ఆత్మహత్యకు చేసుకోవడంతో  కుటుంబం తీవ్ర విషాదంలో మునిగిపోయింది. కుమారుడి మరణాన్ని తట్టుకోలేని తల్లిదండ్రులు అనురాగ్‌ ఆత్మహత్యకు సంబంధించిన  వివరాలు తెలిపేందుకు నిరాకరిస్తున్నారు.