సీనియర్ సిటిజన్ల కోసం సీనియర్ వరల్డ్  అనే కంపనీ 'ఈజీ ఫోన్‌ గ్రాండ్‌' పేరుతో ఒక  ఫీచర్‌ ఫోన్‌ను లాంచ్‌ చేసింది. ఈ ఫోన్ వినికిడి సమస‍్య ఉండే సీనియర్ సిటిజన్స్,  వినికిడి సాధనాలు ఇష్టపడని వారికి బాగా  ఉపయోగపడుతోందని చెబుతోంది. పెద్ద స్క్రీన్ , పెద్ద ఫాంట్ సైజ్, డయలింగ్ కీలు కూడా పెద్దవిగా, ఫోటో డయిల్ వంటివి ఉండటమే కాక..నాలుగు ఆటోమేటెడ్ పనులను చేసే ఎస్ఓఎస్ బటన్‌తో  పాటు ఇంకా  ఐదు ఎమర్జెన్సీ కాంటాక్టులు, వాటికి కాల్స్, ఎస్ఎంఎస్ చేసుకునే సౌలభ్యం, ఇన్ కామింగ్ కాల్స్ లిస్ట్ ఇలా మరెన్నో సీనియర్ సిటిజన్స్ కు ఉపయోగపడే టెక్నిక్స్ ఇందులో ఉన్నాయి. అయితే ఫోన్ కేవలం రూ. 3,990కే లభిస్తుందని కంపెనీ చెబుతోంది. ఇది తమ అధికారిక వెబ్సైటు అయిన సీనియర్ వరల్డ్.కామ్ అలాగే  అమెజాన్ ఇండియా, ఫ్లిప్ కార్ట్, ఈబే ఇండియా లలో కొనుగోలు చేయవచ్చని తెలిపింది.