అమితాబ్‌ చిత్రానికి షారుఖ్‌ నిర్మాత అమితాబ్‌ బచ్చన్‌ ప్రధాన పాత్రలో తెరకెక్కుతోన్న చిత్రం 'బద్లా'. సుజయ్‌ ఘోష్‌ దర్శకత్వంలో వస్తోన్న ఈ చిత్రంలో తాప్సి మరో ప్రధాన పాత్ర పోషిస్తోంది. ఈ చిత్ర కథ నచ్చడంతో షారుఖ్‌ఖాన్‌ ఈ చిత్ర నిర్మాణంలో భాగస్వామి అయ్యాడు. సుజయ్‌ మాట్లాడుతూ ''అమితాబ్‌బచ్చన్‌ ఈ చిత్రంలో నటించడంతోనే సగం విజయం దక్కేసింది. షారుఖ్‌ ఈ సినిమాను నిర్మిస్తుండటం ఆనందంగా ఉంది. తాప్సితో గతంలోనూ పనిచేశాను. ఇంత మంచి టీమ్‌ దొరుకుతుందనుకోలేదు. మంచి బృందం కుదిరింది కాబట్టి జాగ్రత్తగా తెరకెక్కించాలి'' అని చెప్పారు.