భారతీయ సంతతికి చెందిన అమెరికా చట్టసభ ప్రతినిధి ప్రమీలా జయపాల్‌ను అరెస్టు చేశారు. ట్రంప్‌ సర్కార్ చేపట్టిన వలస విధానాన్ని వ్యతిరేకిస్తూ ఆమె మరో 500 మంది మహిళలతో కలిసి గురువారం క్యాపిటల్ హిల్ ముందు ధర్నా చేపట్టారు. పోలీసులు ప్రమీలాతో పాటు మిగతా వారిని కూడా అదుపులోకి తీసుకున్నారు. అమెరికా చట్టసభకు ఎన్నికైన మొదటి భారతీయ సంతతి మహిళ ఆమె కావడం విశేషం. అక్రమంగా దేశంలోకి వలస వస్తున్న కుటుంబాలను అమెరికా విడదీస్తున్న విషయం తెలిసిందే. అందులో భారతీయ కుటుంబాలను కూడా విడదీశారు. ఈ విధానాన్ని నిరసిస్తూ ప్రమీలా వాషింగ్టన్‌లో ర్యాలీ నిర్వహించారు.