ఆసియాకి చెందిన వ్యక్తి నిషేధిత డ్రగ్‌ మరిజువానాను విక్రయిస్తూ పోలీసులకు పట్టుబడ్డాడు. ఈ కేసులో అతనికి 10 నుంచి 15 ఏళ్ళ వరకు జైలు శిక్ష పడాల్సి వుంది. అయితే, నిందితుడు పోలీసులకు విచారణలో సహకరించి, డ్రగ్స్‌ డీలర్స్‌ని పట్టుకోవడంలో సాయపడినందున హై క్రిమినల్‌ కోర్ట్‌ అతనికి ఏడాది జైలు శిక్షను మాత్రమే విధించింది. డ్రగ్స్‌ని కేవలం తాను సేవించేందుకే కొనుగోలు చేసినట్లు విచారణలో ఒప్పుకున్నాడు నిందితుడు. ఇదిలా ఉండగా, ఈ కేసులో నలుగురికి ఏడాది నుంచి 10 ఏళ్ళ వరకు జైలు శిక్ష విధించగా, అందులో ఒకరికి 10,000 బహ్రెయినీ దినార్స్‌ జరీమానా కూడా ఖరారు చేశారు. నిందితుల్ని జైల్‌ టెర్మ్‌ ముగిశాక దేశం నుంచి బహిష్కరిస్తారు.