నేస్తం !
- December 12, 2015
మనిషి ఎదుగుతున్నాడు
హోదా పెంచుకుంటున్నాడు
డబ్బు విరివిగా గడిస్తున్నాడు
ఆస్తులను అంచనాలకు మించి
అమర్చుకుంటున్నాడు
కానీ తాను పెంచుకున్న వేళ్ళు
ఏ మట్టివో మరచిపోతున్నాడు
గింజగా మొదలైన జీవితం
పెద్ద మానుగా మారింది
నిజమే!ముమాటికీ నిజమే!
కానీ ఆ గింజను కడుపులో
దాచుకున్నదీ
నీళ్ళు ఇచ్ఛీ నిలకడని ఇచ్చీ
అనుక్షణం కాపాడిన
నేలతల్లిని మరచిపోతున్నాడు
ఎండకూ వానకూ
రెపరెపలాడుతున్న
మొక్క ప్రాణాన్ని
తన బలంతో పెంచుకున్న
తల్లి భూమిని
గుర్తు పెట్టుకోడు!
తల్లీదండ్రి
వ్రుద్దులైపోయాక
వారి కర్మకు వాళ్ళను
వదిలేసిన సంతానం
ఏమనాలి వాళ్ళని మనం?
బ్రతుకంతా ధారపోసి
కంటికి రెప్పలా కాచిన
తల్లిదండ్రులు
అవుతున్నారు నేడు గుదిబండలు
మనం ఇవ్వాళ సరే!
రేపేమిటి?
మనమూ తల్లిదండ్రులమే
మనకూ ఉన్నారు పిల్లలు
వాళ్ళు నేర్చుకుంటున్నారు
మననుండే బుద్ధులు
ఆ జీవిత సంధ్యా
సమయాన
మన మనుగడ ఏమిటి?
మన ఆస్తీ మన సంపద
మన హోదా మన పదవి
అక్కరకు వస్తాయా నేస్తం?
ఈ నిజం గ్రహించుకో!
నీ బాధ్యతను పంచుకో!
నలుగురిలో ఒక ఆదర్శం
ఒక మణిదీపంగా
మెలిగి వెలిగిపో!
----- డా|| మాదిరాజు రామలింగేశ్వర రావు
తాజా వార్తలు
- 7న ప్రత్యక్షంగా కోర్టులో ఎమ్మెల్సీ కవిత ని హాజరుపరచండి
- శంషాబాద్ సమీపంలో 34 కేజీల బంగారం స్వాధీనం
- ఆడబిడ్డకు జన్మనిచ్చిన దుబాయ్ రాయల్ షేఖా మహరా
- 17 ఏళ్ల బాలుడు మిస్సింగ్ కేసు విషాదాంతం
- 123 మంది కార్మికుల పై బహిష్కరణ వేటు
- భారత ప్రవాసుల కోసం 'ఓపెన్ హౌస్'
- స్విఫ్ట్ స్టూడెంట్ ఛాలెంజ్.. 'మై చైల్డ్' యాప్ కు ప్రశంసలు
- ఇకపై 'వ్యాక్సినేషన్ స్టేటస్' ఉండదు..!
- గ్రీన్ టెక్నాలజీ పై SAS 48 హ్యాకథాన్ ప్రారంభం
- మే 13న నాలుగో విడత పోలింగ్..