చికాగోలోని 'ఫీల్డ్ మ్యూజియం ఆఫ్ న్యాచురల్ హిస్టరీ' షోరూంలో విక్రయిస్తున్న శివుని బొమ్మలపై హిందూసంఘం సభ్యులు ఆందోళనకు దిగారు. శివుని బొమ్మలు పిల్లలు ఆడుకునే సాప్ట్‌టాయిస్ మాదిరిగా ఉండటంతో అమ్మకాన్ని నిలిపివేయాలని, దుకాణం నుంచి తొలగించాలని డిమాండ్ చేసారు. వీరి డిమాండ్లకు తలొగ్గిన స్టోర్ యజమాని శివుని బొమ్మల విక్రయాన్ని నిలిపివేసారు. మ్యూజియం ప్రతినిధి జాకెల్ జాన్స్‌టన్ మాట్లాడుతూ ఫీల్డ్ మ్యూజియం అన్ని మతాలను, సంస్కృతులను గౌరవిస్తుందన్నారు. వివాదాస్పదంగా మారిన శివుని బొమ్మలను వెంటనే తొలగిస్తున్నామని తెలిపారు.