మస్కట్‌: ఒమన్‌లోని ఓ ఫామ్‌లో ఓ వలసదారుడు, తన సహచరుడ్ని హత్య చేసినట్లు రాయల్‌ ఒమన్‌ పోలీస్‌ వెల్లడించడం జరిగింది. ఈ ఘటనలో నిందితుడ్ని పోలీసులు అదుపులోకి తీసుకున్నారు. నిందితుడు, తన సహచరుడ్ని పలుమార్లు కత్తితో దారుణంగా పొడిచి చంపి, ఆ తర్వాత అక్కడి నుంచి పారిపోయాడు. సోహార్‌లో ఈ ఘటన చోటు చేసుకుంది. సోహార్‌లోగల తరీఫ్‌లోని ఓ ఫామ్‌ హౌస్‌లో నిందితుడు, తన సహచరుడ్ని చంపేందుకు పక్కా ప్లాన్‌ వేసుకున్నాడనీ, దాన్ని అమలు పరిచాడనీ రాయల్‌ ఒమన్‌ పోలీస్‌ పేర్కొన్నారు. హత్య గురించిన సమాచారం అందుకున్న పోలీసులు రంగంలోకి దిగి, నిందితుడి కోసం వేట సాగించారు. విలాయత్‌ ఆఫ్‌ ముధా (బురైమీ గవర్నరేట్‌ పరిధిలో) లో నిందితుడ్ని గుర్తించి అదుపులోకి తీసుకున్నట్లు రాయల్‌ ఒమన్‌ పోలీస్‌ వెల్లడించారు.