మనామా: పిల్లలకు పాలిచ్చే తల్లులే టార్గెట్‌గా కొందరు, బ్రెస్ట్‌ మిల్క్‌కి ప్రత్యామ్నాయమైన ప్రోడక్ట్స్‌కి ప్రాచుర్యం కల్పించేందుకు ప్రయత్నించడంపై ఉక్కుపాదం మోపుతున్నట్లు హెల్త్‌ అథారిటీస్‌ పేర్కొన్నాయి. ఇది చట్టవిరుద్ధమైన పని అని అధికారులు స్పష్టం చేస్తున్నారు. బహ్రెయిన్‌లో పలు కంపెనీలు, తమ రిప్రెజెంటేటివ్స్‌ని ఆసుపత్రులకు పంపి ఈ ప్రోడక్ట్స్‌ పట్ల తల్లులు ఆకర్షితులయ్యేలా చేస్తున్నారు. ఈ నేపథ్యంలోనే హెల్త్‌ మినిస్ట్రీ, ప్రత్యేక బృందాల్ని ఏర్పాటు చేసింది. కంపెనీలను గుర్తించి చర్యలు తీసుకోవడం, కంపెనీల ప్రతినిథుల్ని అదుపులోకి తీసుకోవడం జరుగుతుందని అథారిటీస్‌ హెచ్చరించాయి. హాస్పిటల్‌లో ఈ తరహా ప్రచారం ఎవరైనా చేస్తే కఠిన చర్యలు తప్పవనీ, పిల్ల ఆరోగ్యాన్ని దెబ్బతీసే ఎలాంటి చర్యల్నీ ఉపక్రమించేది లేదని హెల్త్‌ మినిస్ట్రీ అధికారులు స్పష్టం చేశారు.