దుబాయ్‌లోని అల్ బర్షాలో గల ఓ భవనంలో అగ్ని ప్రమాదం చోటు చేసుకుంది. దుబాయ్‌ సివిల్‌ డిఫెన్స్‌ ఆపరేషన్‌ రూమ్‌కి మధ్యాహ్నం 11.42 నిమిషాల సమయంలో ఈ ఘటనకు సంబంధించిన సమాచారం అందడంతో, వెంటనే ఫైర్‌ ఇంజిన్స్‌ని సంఘటనా స్థలానికి తరలించారు. అల్‌ మర్సా సివిల్‌ డిఫెన్స్‌ నుంచి వీటిని సంఘటనా స్థలానికి పంపించడం జరిగింది. ఓ రెస్టారెంట్‌లోని ఎయిర్‌ కండిషన్‌ ద్వారా మంటలు వ్యాపించినట్లు గుర్తించారు. వెంటనే మంటల్ని ఆర్పివేయడం జరిగింది. ఈ ఘటనలో ఎవరూ గాయపడలేదని అధికారులు పేర్కొన్నారు. స్థానికుడొకరు ఈ ఘటనను వీడియో రూపంలో సోషల్‌ మీడియాలో పొందుపర్చారు.