గూగుల్‌ చేసిన ఒక పొరపాటు వల్ల తమ హెల్ప్‌లైన్‌ నెంబర్ అనేకమంది సెల్ ఫోన్లలో వారి ప్రమేయం లేకుండా నిక్షిప్తమైపోయినా ఇబ్బందేమీ లేదని ఉడాయ్‌ (భారత విశిష్ఠ గుర్తింపు ప్రాధికార సంస్థ) స్పష్టం చేసింది. దాని సాయంతో ఎలాంటి సమాచారాన్ని చౌర్యం చేయడం సాధ్యం కాదని ఆదివారం ట్వీట్‌ చేసింది. గూగుల్‌ ఏమరుపాటు చర్యను ఆసరాగా చేసుకుని ఆధార్‌కు వ్యతిరేకంగా భయాందోళన కలిగించాలని కొంతమంది ప్రయత్నాలు చేస్తున్నారని ఉడాయ్‌ తప్పు పట్టింది. ప్రజలు తమ ఫోన్లలో పాత సెల్ నెంబర్ తొలగించి కొత్త సంఖ్య (1947)ను భద్రపరచుకోవాలని సూచించింది.