అబుదాబీలోని ముసాఫ్ఫా ఇండస్ట్రియల్‌ ఏరియాలో జరిగిన ఓ రోడ్డు ప్రమాదంలో ఆసియాకి చెందిన బస్‌ డ్రైవర్‌ ఒకరు మృతి చెందారు. అబుదాబీ పోలీస్‌ డిపార్ట్‌మెంట్‌ ఆఫ్‌ ట్రాఫిక్‌ అండ్‌ పెట్రోల్స్‌, డిపార్ట్‌మెంట్‌ ఆఫ్‌ ట్రాఫిక్‌ ఆఫ్‌ ది ఎక్స్‌టర్నల్‌ ఏరియాస్‌ డిప్యూటీ డైరెక్టర్‌ లెఫ్టినెంట్‌ కల్నల్‌ డాక్టర్‌ అబ్దుల్లా యూసుఫ్‌ అల్‌ సువైది మాట్లాడుతూ, పార్కింగ్‌ చేసి వున్న ట్రక్‌ని బస్‌ ఢీకొనడంతో ఈ ప్రమాదం జరిగిందని చెప్పారు. వాహనదారులు తమ వాహనాల్ని నడిపేటప్పుడు అప్రమత్తంగా వుండాలని ఈ సందర్భంగా ఆయన సూచించారు. ఇతర వాహనాలతో తగినంత దూరం పాటించాలని, తద్వారా ప్రమాదాలకు ఆస్కారం తగ్గుతుందని చెప్పారాయన.