హైదరాబాద్‌ నగరంలో ఉన్నత విద్యను అభ్యసించడానికి వచ్చిన రాషెష్‌ అనే సూడాన్‌ యువకుడు నిన్న అర్ధరాత్రి దారుణ హత్యకు గురయ్యాడు. హైదరబాద్‌ శివారు ప్రాంతమైన రాజేంద్రనగర్‌ పోలీస్‌స్టేషన్‌ పరిధిలోని సన్‌సిటీ సి అండ్‌టి కాలనీలో ఈ ఘటన జరిగింది. రాషెష్‌ స్నేహితులైన అబ్దుల్లా,లిసాలతో కలసి రూంలో భోంచేసిన తర్వాత ముగ్గురి మధ్య చిన్న గొడవ మొదలైంది. అదికాస్త చిలికి చిలికి గాలివానగా మారడంతో ఒకరిపై ఒకరు దాడి చేసుకున్నారు.ఈ క్రమంలో క్షణికావేశానికి లోనైన అబ్దుల్లా, లిసాలిద్దరు పండ్లు కోసే కత్తితో రాషెష్‌ను పొడిచి తీవ్రంగా గాయపరిచారు. దీంతో.. రాషెష్‌ స్పాట్‌లోనే మృతి చెందాడు. విషయం తెలుసుకున్న పోలీసులు అబ్దుల్లా ,లిసాలను అదుపులోకి తీసుకుని విచారిస్తున్నారు.