మస్కట్‌:సుల్తానేట్‌లోని పలు గవర్నరేట్స్‌ పరిధిలో నాలుగు బోట్ల నుంచి 13 మందిని కోస్ట్‌ గార్డ్‌ పెట్రోల్‌ సిబ్బంది రక్షించారు. ఇంజిన్‌ ఫెయిల్యూర్‌ కారణంగా మూడు బోట్లు ఆగిపోగా, మరో బోటులో ఫ్యూయల్‌ అయిపోవడంతో ఆగిపోయింది. నాలుగు బోట్లను గమనించిన కోస్ట్‌ గార్డ్‌, అందులోని 13 మందిని రక్షించడం జరిగింది. సమీపంలోని పోర్ట్‌లకు మూడు బోట్లను తరలించగా, మరో బోటుకి ఫ్యూయల్‌ని అందించారు. ఇంకో వైపున ఖోర్‌ అల్‌ మల్ష్‌లో కోస్ట్‌గార్డు ఓ బోటుని సీజ్‌ చేశారు. ఈ బోటులో 10 మంది ఆసియా జాతీయుల్ని తరలిస్తున్నట్లు కోస్ట్‌గార్డ్‌ పేర్కొంది.