కేరళలో పెను వర్షాల కారణంగా నిరాశ్రయులవుతున్న ప్రజల సంఖ్య అంతకంతకూ పెరుగుతోంది. పలు ప్రాంతాల్లో రెండు అంతస్తుల దాకా వరద నీటితో నిండిపోయింది. దీంతో తల దాచుకోవడంతో పాటు కనీస ఆహారం కూడా ప్రజలకు దొరకడం లేదు. లక్షలాది మంది ప్రజలు ఆశ్రయం లేక అల్లాడుతున్నారు. కేరళ సీఎంవో విరాళాలు కోరుతూ ప్రకటన విడుదల చేయడం.. ఆ రాష్ట్రంలో నెలకొన్న పరిస్థితికి అద్దం పడుతోంది. అత్యవసర సాయానికి, సమాచారానికి సంప్రదించేందుకు ఎమర్జెన్సీ నెంబర్లను అధికారులు ప్రకటించారు.