బహ్రెయిన్:ఈద్‌ అల్‌ అదా సందర్భంగా అందరిలోనూ స్నేహ సంబంధాలు మరింత పెంచే క్రమంలో నాన్‌ ముస్లిమ్స్‌ కోసం అహ్మద్‌ అల్‌ ఫతెహ్‌ ఇస్లామిక్‌ సెంటర్‌, ఈద్‌ ఓపెన్‌ హౌస్‌ ఈవెంట్‌ని అల్‌ ఫతెహ్‌ గ్రాండ్‌ మాస్క్‌లో నిర్వహిస్తోంది. ఈద్‌ రెండవ రోజున, బహ్రెయిన్‌లోనే అతి పెద్దదయిన మాస్క్‌లో నాన్‌ ముస్లిమ్స్‌ని అతిథులుగా భావిస్తూ ఈ కార్యక్రమాన్ని నిర్వహిస్తున్నట్లు అహ్మద్‌ అల్‌ ఫతెహ్‌ ఇస్లామిక్‌ సెంటర్‌ కో-ఆర్డినేటర్‌ ఫరాహత్‌ అల్‌ కిండీ చెప్పారు. 1999లో ఈ ఓపెన్‌ హౌస్‌ ప్రారంభం కాగా, మొదట్లో చాలా తక్కువమంది వచ్చేవారనీ, ఇప్పుడు వేలల్లో వస్తున్నారని ఆయన వివరించారు.