రీసెంట్ గా 'రౌడీఫెలో'తో పలకరించిన నారా రోహిత్ మరో చిత్రం ప్రకటించేసాడు. కథ నచ్చేసి...యాక్షన్‌ ప్రధానంగా సాగే మరో కథకి గ్రీన్ సిగ్నల్ ఇచ్చేసాడు. 'అప్పట్లో ఒకడుండేవాడు' పేరుతో రూపొందుతున్న ఈ చిత్రంలో నారా రోహిత్‌తోపాటు శ్రీవిష్ణు మరో హీరో గా నటిస్తున్నారు. సాగర్‌ కె.చంద్ర దర్శకత్వం వహిస్తున్నారు. వశిష్ట మూవీస్‌ పతాకంపై హరి, సన్నీరాజు నిర్మిస్తున్నారు. జూన్‌ మొదటివారం నుంచి చిత్రీకరణ మొదలవుతుంది. నిర్మాతలు మాట్లాడుతూ ''1992-1996 సంవత్సరాల మధ్య ఇద్దరు యువకుల జీవితాల్లో చోటు చేసుకొన్న కొన్ని యథార్థ సంఘటనల ఆధారంగా రూపొందుతున్న చిత్రమిది. 'ప్రేమ ఇష్క్‌ కాదల్‌' చిత్రంలో రాయల్‌ రాజుగా నటించి మెప్పించిన శ్రీవిష్ణు ఇందులో మరో హీరో గా నటిస్తున్నారు''అన్నారు. ఫేస్‌బుక్ ద్వారా లేటెస్ట్ అప్‌డేట్స్ ఎప్పటికప్పుడు నారా రోహిత్ ..మరో చిత్రం అసుర విషయానికి వస్తే... కెరీర్ లో చేసింది తక్కువ సినిమాలైనా..ప్రతి సినిమాలో విభిన్నపాత్రలో కనిపించే ప్రయత్నం చేస్తూ వస్తున్నాడు నారా రోహిత్‌. అలాటిందే ఇప్పుడు ఓ విభిన్న గెటప్‌లో నటించిన 'అసుర' చిత్రం టీజర్ ను ఈ మధ్యనే విడుదల చేశారు.