టెహ్రాన్‌ : ఇరాన్‌ ఆర్థిక మంత్రి మసూద్‌ కర్బాసియన్‌ అభిశంసనకు గురయ్యారు. క్యాబినేట్‌ నుంచి ఇటీవల తొలగించబడిన మంత్రుల్లో ఆయన రెండో వ్యక్తి. అభిశంసన తీర్మానాన్ని ప్రవేశపెట్టి కర్బాసియ న్‌ను మంత్రి పదవి నుంచి తప్పించి నట్టు ఇరాన్‌ పార్లమెంట్‌ పేర్కొంది. ఆర్థిక మంత్రి అభిశంసనకు అను కూలంగా 137 ఓటింగ్‌ నమోదు చేయగా, 121 మంది వ్యతిరేకించారు. హస్సన్‌ రౌహానీ క్యాబినేట్‌లో అభిశంసనకు గురైన మంత్రుల్లో ఆయన రెండో వ్యక్తి. కార్మిక మంత్రి అలీ రబీని కూడా ఇదే తరహాలో మంత్రి పదవి నుంచి తప్పించారు. ఇరాన్‌లో కొంతకాలంగా ద్రవ్యోల్బణం ఏర్పడింది. నిరుద్యోగ సమస్య బాగా పెరిగిపోయింది. దీనికి తోడుగా ఇరాన్‌తో కుదుర్చుకున్న అణు ఒప్పందం నుంచి అమెరికా బయటకు వచ్చేసింది. మిత్ర దేశాలను కూడా ఈ ఒప్పందం నుంచి వైదొలగాలని ఒత్తిడి తెస్తోంది. ఇరాన్‌పై అమెరికా భారీ ఆంక్షలు మోపింది.