దుబాయ్‌:దుబాయ్‌లో 2018 తొలి అరు నెలల్లో కేవలం 4 మాత్రమే హ్యూమన్‌ ట్రాఫికింగ్‌ కేసులు నమోదయ్యాయని సీనియర్‌ పోలీస్‌ అధికారులు వెల్లడించారు. గడచిన మూడు ఏళ్ళలో హ్యూమన్‌ ట్రాఫికింగ్‌ కేసుల సంఖ్య గణనీయంగా తగ్గుతోంది. హ్యూమన్‌ ట్రాఫికింగ్‌ కంట్రోల్‌ సెంటర్‌ డైరెక్టర్‌ డాక్టర్‌ సుల్తాన్‌ అల్‌ గమాల్‌ మాట్లాడుతూ, 13 మంది బాధితుల్ని రక్షించామనీ, 14 మంది అనుమానితుల్ని అరెస్ట్‌ చేశామని చెప్పారు. 2016లో ఇదే సమయానికి ఆరు కేసులు నమోదు కాగా, 10 మంది బాధితుల్ని రక్షించగా, 18 మంది అనుమానితుల్ని అరెస్ట్‌ చేయడం జరిగింది. 2017లో నాలుగు కేసులు నమోదు కాగా, 9 మంది బాధితుల్ని రక్షించి, 15 మంది అనుమానితుల్ని అరెస్ట్‌ చేశారు. యాంటీ హ్యూమన్‌ ట్రాఫికింగ్‌ చట్టాలు కఠినంగా అమలవుతుండడంతోనే ఈ మార్పు సాధ్యమయ్యిందని అధికారులు స్పష్టం చేశారు.