బంగ్లాదేశ్ లో సుబర్ణ నోది(32) అనే మహిళా జర్నలిస్ట్ దారుణ హత్యకు గురయ్యారు. నిన్న రాత్రి 10 గంటల సమయంలో ఆమె ఇంటికి వచ్చిన ఆగంతుకులు కాలింగ్ బెల్ మోగించారు. ఆమె తలుపు తీయగానే పదునైన ఆయుధంతో దాడి చేసి పరారయ్యారు. స్థానికులు ఆమెను ఆసుపత్రికి తరలించగా అప్పటికే మృతి చెందిందని వైద్యులు ప్రకటించారు. సుబర్ణ నోది ఆనంద టీవీ ఛానల్‌లో న్యూస్ కరస్పాండెంట్‌గా పనిచేసేవారు. డైలీ జాగృతో బంగ్లా పత్రికకు విలేకరిగా సేవలందిస్తున్నారు. తొమ్మిదేళ్ల కూతురితో కలిసి జీవిస్తున్న ఆమె భర్త నుంచి విడాకుల కోసం ఎదురు చూస్తున్నారు.