చుట్టూ కొండలు మధ్యలో మనుషులు. అక్కడ షూటింగ్. హీరో హీరోయిన్లతో పాట చిత్రీకరిస్తున్నారు యూనిట్ సభ్యులు. మధ్యలో చిన్న విరామం. ఇంతలో హీరోయిన్ కనిపించకుండా పోయింది. విషయం తెలిసి యూనిట్ సభ్యులు ఒక్కసారిగా షాక్‌కి గురయ్యారు. కేశవన్ దర్శకత్వంలో రూపొందుతున్న చిత్రం ‘అవళుక్కెన్న అళగియ ముగం’. కొడైకెనాల్‌లోని ఎత్తైన కొండల నడుమ పాటను చిత్రీకరిస్తున్నారు.

హీరోయిన్ అనుపమ ప్రకాష్ విరామం మధ్యలో తన రూముకు వెళ్లింది. మళ్లీ షూటింగ్ మొదలు పెట్టే సమయానికి కనిపించకుండా పోయింది. దీంతో కంగారు పడ్డ యూనిట్ సభ్యులు ఆరా తీయగా తన స్వస్థలం ఢిల్లీ వెళ్లిపోయినట్లు తెలుసుకున్నారు. నిర్మాత స్వయంగా వెళ్లి విషయం అడగ్గా ఎత్తైన కొండల నడుమ డాన్స్ చేయడంతో భయంగా అనిపించిందని అందుకే వచ్చేసానని చెప్పడంతో ఊపిరి పీల్చుకున్నారు. పాటను కంప్లీట్ చేసే నిమిత్తంగా మళ్లీ ఆమెను తీసుకువచ్చి మిగిలిన భాగాన్ని చిత్రీకరించారు చిత్ర యూనిట్.